A banda actuará no recinto de ExpoCoruña o vindeiro 13 de marzo de 2027 nunha xornada con máis de doce horas de música, feira vintage, exposición de motos e ‘foodtrucks’
A segunda edición do festival ExpoRock continúa a definir a súa programación para o ano 2027 coa confirmación dunha nova incorporación ao seu cartel. La Pegatina sumouse á cita e ofrecerá un concerto no recinto de ExpoCoruña o vindeiro 13 de marzo de 2027.
Máis de 1.200 concertos e o regreso á Coruña
O grupo, que conta con máis de 18 anos de traxectoria musical, acumula máis de 1.200 concertos en máis de 30 países. Así, chegarán á Coruña tras ter publicado no pasado mes de abril o seu álbum ‘Fuegos del barrio’, un traballo que se engade a un repertorio no que destacan éxitos icónicos como ‘Lloverá y yo veré’, ‘Todos los días sale el sol’, ‘Mari Carmen’ ou ‘Y volar’.
Esta actuación suporá o retorno de La Pegatina á cidade herculina, onde actuaron hai catro anos no Festival Noroeste trala cancelación do seu concerto previsto no Coliseum en outubro de 2020 a causa da pandemia da covid-19.
Máis de doce horas de actividade e entradas á venda
Coa incorporación de La Pegatina, o cartel do ExpoRock suma unha nova proposta festiva ao artistas que xa figuraban, incluindo bandas como Los Enemigos, Narco, Catalina Grande Piñón Pequeño e Lendakaris Muertos.
O evento concíbese como unha xornada con máis de doce horas de actividade continua. Ademais das actuacións musicais, o recinto acollerá unha feira vintage, unha exposición de motos Harley-Davidson e custom, e unha zona de foodtrucks.
As entradas atópanse xa á venda a través da páxina web oficial do festival, cun prezo de saída a partir de 43 euros no tramo actual de localidades.
